Таиландтың Канчанабури қаласындағы ұлттық паркте қызметкер туристің суға түсіп кеткен телефонын аламын деп қайтыс болды. Бұл туралы Bangkok Post басылымына сілтеме жасай отырып El.kz ақпарат агенттігі хабарлайды.
Хабарламада айтылғандай, қайғылы оқиға 15 сәуір күні Лам Клонг Нгу ұлттық паркінің үңгірінде болған. Қатты жаңбыр кезінде 43 жастағы Пайсан Ванпхет туристің ағып кеткен смартфонын алу үшін бұлаққа түскен. Алайда сол сәтте қатты ағыс оны бірден алып кетіп, ол көзден таса болған.
Сол күні кешке әріптестері оның денесін тастардың арасына қысылып қалған күйінде тауып алды.
