Әлеуметтік желілерде Алматы маңындағы шексіз сары гүлдер алқабының көріністері кеңінен таралып жатыр. Көктемгі ерекше локация табиғат сүйер қауым мен фотографтардың назарын аударып, қысқа уақытта танымал бағытқа айналды.
Локация қайда орналасқан?
Алматылық тұрғындардың айтуынша, бұл гүл алқабы бірнеше жылдан бері көктем мезгілінде көз тартады. Ол шамамен қаладан 1–1,5 сағаттық жерде, Шарын шатқалы бағытына бұрылыс маңында орналасқан. Кейбір саяхатшылар бұл орынды Көкпек ауылының төңірегімен байланыстырады.
Гүлдердің гүлдеу уақыты жыл сайын өзгеріп отырады:
– 2024 жылы – 16 сәуір шамасында,
– 2025 жылы – 12 сәуірде,
– ал биыл алғашқы кадрлар 4 сәуірден бастап тарай бастаған.
Саяхатшылар бұл сапарды Шарын шатқалына барумен қатар жоспарлауға кеңес береді.
Табиғаттың хош иісі мен әсері
Көктемгі дала ерекше атмосферасымен таңғалдырады. Туристердің айтуынша, гүлдердің хош иісі мен ашық түстері ерекше әсер қалдырады. Мұндай көрініс фотосессиялар мен видеотүсірілімдер үшін таптырмас мүмкіндікке айналған.
Не алып барған жөн?
Саяхатшылар алдын ала дайындықтың маңызды екенін айтады. Өзімен бірге мыналарды алған дұрыс:
– бас киім
– күннен қорғайтын крем
– жеткілікті су
– ыңғайлы аяқ киім
– толық қуатталған телефон немесе камера
Көктемгі күн далада өте белсенді болғандықтан, бұл қарапайым сақтық шаралары сапарды жайлы етеді.
Танымалдықтың кері тұсы
Локацияның тез танымал болуы экологияға қауіп төндіруі мүмкін. Кейбір келушілердің көлікпен тікелей гүлдердің үстімен жүруі алаңдаушылық тудырып отыр. Бұл табиғи экожүйеге зиян келтіреді.
Айта кету керек, Қазақстанда сирек кездесетін өсімдіктерді жұлу немесе бүлдіру заңмен жазаланады. Мысалы, қызыл кітапқа енген қызғалдақтарға зиян келтіргендерге ірі көлемде айыппұл салынып, тіпті қылмыстық жауапкершілікке тарту қарастырылған.
Алматы маңындағы “сары гүлдер теңізі” – көктемнің қысқа, бірақ әсерлі сыйы. Алайда табиғаттың мұндай әсем көрінісін сақтап қалу әрбір келушінің жауапкершілігіне байланысты. Табиғатты тамашалау – оны қорғаумен қатар жүруі тиіс.
Төрешілер былығына федерация кінәлі ме? І Бізде бомбардирлер жоқ І «Астанаға» обал болды
Талант, тәртіп және төзім: GGG формуласын кім бұза алады?
140 балл және «Алтын белгі» мектебі: жоғары нәтиженің құпиясы неде?
«Таза ауада серуендемейді»: дәрігер бала дамуының кешеуілдеуіне әсер ететін факторларды атады
Ван Дейкті сан соқтырған футболшы: «Шахтердің» жаңа бас бапкері жайлы не білеміз?
